Stanley

福克蘭群島,自小就聽過依個地方,記得小時候電視有做過生命之源嗎?

Port Louis

生命之源裡,時常都會提及這地方有很多候島和蘆葦草,尤其係觀察信天翁和企鵝最理想的地方呢!

Stanley

所以好細個的時候就好想到呢個地方,看看比人還高的蘆葦,和張開翅膀有兩米長的信天翁⋯⋯

Stanley

今次因為到南美兩個月旅行,才能有機會和時間到此地,到呢個同香港相距四十小時機程的地方!

Port Louis

很開心,我們起智利最南的城市轉機來的,都快要到南極似的感覺

Stanley

過咗智利,我哋坐 LanChile 去福克蘭。好彩未出發之前book咗車同 B&B,否則都唔知落機後點算,因為呢喥係冇公共交通㗎!

Port Louis

到處一遍荒涼,黃黃的蘆葦遍布大地,氣溫一直保持在零度左右,我地就係咁起度待了一個星期!非常漫長〜〜

Cape Pembroke

呢喥四點幾就開始天黑,我哋好怕又會落雨,因為個天好陰,呢喥一個星期先有一班機,所以要喺呢喥留一星期。

Stanley

一星期真係唔易過,因為我哋嚟呢喥係想睇企鵝同蘆葦,成個福克蘭得二千幾人,又冇乜地方可以去嘅!

Stanley

不過呢喥就好方便,因為全都係講英文嘅,二千幾人嘅地方,雖則係屬英國領土之一,但居然都有自己一套貨幣,對英磅係一對一,叫福克蘭英磅,真係估唔到。

Stanley

喺福克蘭,我哋住喺Kay McCallum屋企,相信係咁耐以嚟最好嘅 B&B,因為佢真係將屋企打理得好好,而且佢每日都為我哋做一個蛋糕或甜品,真係肥死我哋,CBig 因此回程發現肥咗10磅!!!

Concordia Beach

Tony 係我哋嘅 Guide,因為我哋要去遠一啲嘅海邊睇企鵝,所以先至搵佢車我哋去。

Concordia Beach

由於係冬天,企鵝都去晒其它地方。但我哋總算都搵到三群企鵝,佢哋真係好Cute,但佢哋又好嘈,同好…臭!

Concordia Beach

哈哈,當你唔郁時,佢哋會慢慢咁行過嚟你前面望你,但你一郁佢哋又走夾唔抖,你知啦,呢喥咁凍,唔喐太耐會死㗎!除咗企鵝,呢喥仲有信天翁呢,都係我細細個睇生命之源嗰時識的海鳥!

Concordia Beach

唉!喺福克蘭嘅時間真係實在太多,喺呢喥,我哋唔係食就瞓,有時唱下《 Melon強》咁囉!真係唔知做乜好!

Stanley

不過,我們最開心係,依道有英國式的超市,入面有我們的至愛,薑和薯片,我們真係拿拿林買了薑,檸檬和可樂去煲我們的暖身熱飲熱檸樂!當然我地亦有買薯片食啦!

Stanley

有一日我哋又去咗呢喥唯一嘅超市買嘢,當然又係買薑煲熱檸樂飲不過,今次我哋仲買咗啲雪糕在天寒地凍下食。

Stanley

買完嘢時,C Big負責俾錢,咁我同Stanley就喺超市出面等佢啦!突然,天空落雪,入面俾緊錢嘅 CBig 都見到,佢好興奮,因為佢未見過落雪,但佢一俾完錢出到嚟時,雪又落完,佢勁失望!哈哈!

Port Louis

嚟福克蘭嘅原因,除咗係因為去南美順路去之外,亦因為我細個時成日睇生命之源,時時都介紹呢喥嘅蘆葦同信天翁,所以一直都深深吸引住我嚟囉!Anyway,一個星期超慢節奏嘅生活,真係唔易過。但我終於到過福克蘭了。

Port Louis

旅程完結時我們剛離港一個月,司碧就跟我們坐機到智利,再直接回港。

Concordia Beach

而我和Stanley則繼續我們的下一個目的地,地球最南的城市,阿根廷的Ushuaia!我們到達時,那裡是冰天雪地呢,足有一至兩米深的雪,很恐怖的!