Stanley 喺福克蘭,我哋住喺Kay McCallum屋企,相信係咁耐以嚟最好嘅 B&B,因為佢真係將屋企打理得好好,而且佢每日都為我哋做一個蛋糕或甜品,真係肥死我哋,CBig 因此回程發現肥咗10磅!!!
Concordia Beach 哈哈,當你唔郁時,佢哋會慢慢咁行過嚟你前面望你,但你一郁佢哋又走夾唔抖,你知啦,呢喥咁凍,唔喐太耐會死㗎!除咗企鵝,呢喥仲有信天翁呢,都係我細細個睇生命之源嗰時識的海鳥!
Stanley 買完嘢時,C Big負責俾錢,咁我同Stanley就喺超市出面等佢啦!突然,天空落雪,入面俾緊錢嘅 CBig 都見到,佢好興奮,因為佢未見過落雪,但佢一俾完錢出到嚟時,雪又落完,佢勁失望!哈哈!
Port Louis 嚟福克蘭嘅原因,除咗係因為去南美順路去之外,亦因為我細個時成日睇生命之源,時時都介紹呢喥嘅蘆葦同信天翁,所以一直都深深吸引住我嚟囉!Anyway,一個星期超慢節奏嘅生活,真係唔易過。但我終於到過福克蘭了。